Eich Llais

Mae Undeb Myfyrwyr Caerdydd yn cael ei arwain a'i gyfarwyddo gennych chi, ein 30,000+ o aelodau myfyrwyr. Mae holl fyfyrwyr Prifysgol Caerdydd yn dod yn aelodau o'r Undeb yn awtomatig pan fyddant yn cofrestru ar gyfer eu gradd. Mae'r Undeb yn gweithio'n gyson i sicrhau bod pob myfyriwr yn cael cyfleoedd i godi eu llais trwy drafod, rhoi adborth, ac awgrymu syniadau.

Mae eich Undeb yn gweithio'n agos gyda'r Brifysgol i sicrhau eich bod yn cael eich cynrychioli ar bob lefel, ac yn gallu ymgysylltu â phrosesau cynrychiolaeth mewn gwahanol ffyrdd. Mae tri prif faes o fewn Llais y Myfyriwr:

Cynrychiolaeth Academaidd: Mae gan bob rhaglen Gynrychiolydd Academaidd Myfyrwyr sy'n gwirfoddoli i siarad ar ran y garfan. Mae Llais Myfyrwyr yn hwyluso'r system hon, ac yn sicrhau bod gan Gynrychiolwyr Academaidd Myfyrwyr ffyrdd priodol o roi adborth i staff yn eu hysgol.

Democratiaeth: Mae'r tîm yn cynnal etholiadau blynyddol i ddod o hyd i'r set nesaf o arweinwyr myfyrwyr, yn ogystal â chefnogi Senedd y Myfyrwyr i sicrhau bod pob myfyriwr yn cael ei gynrychioli'n deg. Mae'r tîm hefyd yn hwyluso'r Cyfarfod Cyffredinol Blynyddol - fforwm lle gall unrhyw fyfyriwr gyflwyno cynnig i'w drafod, a phleidleisio tuag at gyfeiriad Undeb y Myfyrwyr.  

Ymgyrchoedd: Mae Llais Myfyrwyr yn cefnogi'r Swyddogion Sabothol ac Ymgyrchu etholedig i gynnal ymgyrchoedd sy'n gwella profiadau eich cymuned yng Nghaerdydd.